Kvenmaður var það heillin

Já ég verð að viðurkenna að lestur þessa ágæta bloggs vakti mikla kátinu og gleði. Eins og tekið var fram í svari við innleggi Hildar er ég tilbúin að vera með amk vikuleg innlegg þar sem ég segi frá lífi og listum hér frá Héraði. Líf Útgarðsbúa er við hið sama, sumarið er komið og fyrsta Kubb spilið var leikið í gærkvöldi. Jibbí
Karen átti e-n tímann að vera hluti af þessu bloggi svo það er spurning um hvort hún fái að vera með?

Já já já

Lilja, þetta er áskorun til þín mín kæra!! Ég segi að við hverfum aftur til fortíðar og opnum þetta blogg á ný... ?? Ertu maður eða mús?? :)

Endurkoman

újé újé újé újé újé(sagt með rytma)
veldi okkar hefur verið endurreist!!
Yfirráð eru óumflýanleg!!

LíffræðiiðærffíL

Síðasta prófið er staðreynd, já á morgun verð ég frjáls. Eftir 10 klt. réttara sagt. Þá tekur við e-r taumlaus gleði fram til 31. maí þegar það er komið að því, stóra ferðalagið mun hefjast. Ég er orðin svo spennt að ég held jafnvel að ég sé spenntari en þegar ég var 7 ára og fór með mömmu og pabba til Orlando í Disney World. Ég efast um að ég muni skemmta mér síður núna en ég gerði þá. Hitti meira að segja Barbie og Ken í Universal Studios að mig minnir og ég vona svo mikið að þau verði þar í þetta skiptið líka svo ég geti fengið eiginhandaráritun með lyktarpennunum sem þau eiga.
Ég er að lesa um frumur sem að ég hélt að væri ólæranlegt og leiðinlegt en komst að því mér til mikillar gleði að þetta er ekki flókið og meira að segja pínu pínu skemmtilegt. Var með Freyju í dag að læra og í einni pásunni fórum við að tala um lífið eftir menntó. Hvað gerist eiginlega þá?

Þar til næst: "You better do something radical, and do it fast!"

Hér og þar

Góða kvöldið kæru lesendur, ef einhverjir eru eftir sem skoða þessa síðu. Ég hef hér með ákveðið að reisa þessa síðu upp frá dauðum þar sem ég er svo mikið í þeim bransa þessa dagana. Það sem er að frétta er að ég er í prófum, andskotans prófum sem eru ekki mitt uppáhald. En eins oftast vill vera með blessuð prófin þá ganga þau yfir og það er gaman. Ekki meira um það!
Eins og flestir ef ekki allir með viti vita þá brann Rosenberg um daginn og það eru eintóm leiðindi. Það eina bjarta er að enn er von um að Rosenberg muni rísa, meira að segja nokkuð góð von og það er ekki síst vegna gríðarlega öflugra styrktartónleika sem voru um síðustu helgi að ógleymdum undirskriftarlistanum sem að geymir nú hátt í 800 nöfn..... Vonandi blessast þetta allt saman og ég er reyndar nokkuð viss um að það muni gera það, finn það á mér.
Annað sem er á döfinni er risastóra ferðalagið mitt til USA sem byrjar eftir hvorki meira né minna en 27 daga. Mikið svakalega hlakka ég til, enda á þetta eftir að vera snilldar ferð. Svo verður stutt stopp hér heima frá 28. júní til 2. júlí en þá tekur Hróaskelda við... Ég er enn með bandið síðan í fyrra fast á úlnliðnum á mér og ætla að safna fleirum.
Lilja var í síðasta prófinu sínu í dag sem þýðir að menntaskólaárin eru henni að baki, hún á bara eftir að setja upp hvíta kollinn en það mun gerast þann 26. maí n.k. Innilega til hamingju með það stelpa, það er ekki laust við að það votti fyrir öfund hérna meginn.
Ég hugsa að þetta sé komið gott í bili, bara svona rétt til að lífga þessa síðu aðeins við og ég er að hugsa um að snúa mér að hagfræðinni á ný....

Þar til næst: "You've got diamonds for eyes"

Profaljota? Eg held ekki!!

Hér er frábært dæmi um prófaljótuna sem virðist herja á alltof marga samnemendur okkar menntskælinganna. Prófaljóta er fyrirbæri sem er alltof merkilegt fyrirbæri að mínar annars miklu gáfur fá með góðu móti skilið hvað fær annars gullfallega og aðlaðandi einstaklinga til að klæðast náttbuxum og öðrum náttfatnaði og byrgja sig upp af kaffi á hitabrúsa og þramma um götur og stræti og beinlínis hrópa ; red,,ÉG ER Í PRÓFUM!! ER ÞAÐ EKKI ÖRUGGLEGA Á HREINU? ÉG ER Í PRÓFUM! VORKENNIÐ MÉR!!!!!"
Það er venja og siður að námsmenn fara í próf í desember og maí. Flestir sem búa ekki neðanjarðar og lifa á rjúpnaeggjum og mysu vita þetta jafnvel og að mánudagur kemur á eftir sunnudegi! Eeeeeen, nei þessir illa höldnu "námsmenn" verða að slengja þessu framan í hinn almenna borgara. Eins og að brjálæðisfylleríið sem fylgir prófalokum sé ekki nógu góð vísbending. Nei, það er þeim lífsnauðsynlegt að básúna þessari staðreynd eins og fagnaðarerindinu á öldum áður. Þessi tegund námsmanna er í krossferð. Gegn þeim sem nú þegar hafa útskrifast úr skóla og eru orðnir fullgildir meðlimir vinnumarkaðarins. Ég ætla ekki að banna fólki að tala um prófin sín, það er nú daglegt umræðuefni á meðal skólafólks. Ég ræði mín próf við mína nánustu og sé ekkert að því að fólk geri slíkt hið sama. En ég dreg línuna við fatabreytingu, niðurdregið og illa sofið augnaráð sem þreytist(þótt ótrúlegt sé) ekki á því að beina sjónum vegfarenda á hversu erfitt og melankolískt líf hins langþreytta námsmanns er. Því að þetta fólk lætur sér ekki nægja að mæta í einkennisbúningi þreytu og 243 kaffibolla, nei það þarf líka að röfla og væla um herlegeheitin!! Það hafa allir e-n tímann verið í skóla og vita ósköp vel hvernig þetta ferli gengur fyrir sig. Maður situr í tímum, lærir, glósar, lærir undir próf og búið. Prófatíminn á ekki að vera þessi kvöl og pína sem svo margir telja sér trú um. Prófatíminn á að vera tími rólegheita. Ég og stallsystir mín erum búnar að vera í góðu tjilli(afsakið slettuna) og gefa okkur tíma til að rölta um í Kolaportinu, spila Krossorðaspil(ég vann) og tala um strákamál. Svoleiðis á það líka að vera. Ekkert stress, Bara rólegheit. Og svo rómó út að borða í enda vikunnar.

post script. Engin ljót föt né illa þvegið hár hafa hrjáð okkur og komust við samt í gegnum prófin.....

Ég er með ofnæmi fyrir stærðfræði og prófum líka!

Minn tími er kominn!

nú er ég loksins sest niður við tölvuna að gera eitthvað annað en að læra!!! Búin með Ljóðaritgerðina (með sterkum greini) í ÍSL-503. Þetta helvíti er búið að hanga yfir manni síðan maður var busi. Alltaf verið að hræða mann með þessu!! en loksins eftir kvíðaköst og hvaðeina er ég búin með þetta og það verður ekki aftur snúið.

Akkúrat nuna sit ég í hlýjunni heima eftir frábært kvöld!! hildur Mist og moi, menningarvitarnir sjálfir skelltum okkur í leikhús og hvorki meira né minna en tvenna tónleika! Fórum í Iðnó að sjá Bezt í heimi. Mæli eindregið með henni. Hef sjaldan hlegið jafnmikið í leikhúsi!! SchnillD! svo kiktum við a Nettettinn a það sem eg held að hafi verið fyrstu tonleikar þeirra..svo kiktum við a kultura þar sem pete var með siðasta giggið sitt þangað til hann heldur aftur til astraliu. svaka kosy, og ekki spillti svavar fyrir með sitt alkunna grin og uppistand.
það er laufabrauð a laugardag, hlakka til , eg er komin i svo mikin jolafiling eitthvað þessa dagana...held það se snjorinn....vona að við faum hvit jol!!