Tilgáta A: Hildur á sér ekkert líf og þar af leiðandi hefur hún meiri tíma til að blogga.
Tilgáta B: Ég á mér innihaldslítið líf sem er tilgangslaust að segja frá.
Til að Tilgáta A standist þyrfti Hildur að vera sérstaklega leiðinleg og óspennandi manneskja sem ætti enga vini og hefði ekkert betra að gera en að segja frá aumingjalegu lífi sínu. Þessi tilgáta brotlenti áður en ég gat klárað að lesa hana til enda! Hildur Mist Friðj.Ottes. aka minn BFF er einstaklega hress og skemmtileg stelpa og lifir fyrir fátt annað en "Carpe Diem"(grípið gæsina á meðan hún gefst) og "La vida es ahora"(lífið er NÚNA). Þannig er það algjörlega ómögulegt að ætla að hún bloggi vegna lífsleiða og leiðinlegra daga.
Þá komum við að Tilgátu B: Það er gefin staðreynd að ég er mun latari og ónennari en Hildur. Ég beila oftar á hlutum eins og djammi, sumarbústaðarferðum um miðjar nætur o.s.frv. Allt vegna gífurlegrar síþreytu(sem var reyndar einu sinni vegna járnskorts, en það er önnur saga). Ég kaupi aldrei neitt á kaffihúsum og fer ein í göngutúra um verslunarmiðstöðvar. En þrátt fyrir allt þetta er ég samt BVAE(BFF) hennar Hildar. Og í því felst að næstum allt sem ég geri, geri ég með fröken Hildi. Það þýðir að meira og minna allt sem ég skrifa um fjallar um Hildi. Sem þýðir líka að ég get ekki verið að blogga um leiðinlega hluti!
Mín niðurstaða er því sú: Ég er einfaldlega bara löt.(sjá mynd)
Svo þarna hafið þið það.
Þetta fer nú að verða svona eins og í denn þegar Gréta og Telma opnuðu tölvunördana (jamm, þið lesið rétt, Telma átti einu sinni blogg) en svo leið ekki að löngu þar til Telma helltist úr lestinni og Gréta því eini sómasami eignadi síðunnar í dag... Bína var nú reyndar hluti af nördunum líka í e-n tíma, en Gréta er semsé ein í dag. Það sem ég vildi sagt hafa með þessu er það að ég er nú sú eina af okkur tvíeikinu sem virkilega skrifa hérna inna með reglulegu millibili, allavegana þessa dagana. Það er spurnig af hverju það stafar, kannski vegna þess að ég á mér innihaldslausara líf en Lilja og hef því ekkert annað að gera en að skrifa færslur í tölvudagbók, eða jafnvel að líf mitt sé mun innihaldsríkara því að svo virðist vera sem Lilja hafi ekki frá neinu að segja. Svona er nú leikurinn skemmtilegur, alveg hægt að sjá þetta algjörlega frá tveimur hliðum og komast að svona líka mismunandi niðurstöðu. En það sem ég átta mig eiginlega á er það að öll mín skrif snúast um Lilju líka því þar sem önnur okkar er, er hin sjaldnast langt undan. Þannig að það væri sennilega bara um endurtekningar að ræða ef við skrifuðum alltaf báðar um það sem á daga okkar drí/ýfur :-) Þannig að við verðum að reyna að skipta vikudögunum bróðurlega á milli okkar, þannig að hver fær þrjú stykki og svo einn hálfan dag...
Að öðru, í dag eru akkúrat 6 vikur í DK babý og ég er ekki frá því að hún Lilja sé að verða bara nokkuð spennt... :) Gaman að því. Hlakka samt mest til að hitta tilvonandi meðleigjanda okkar, hann er frá Austuríki en ég man reyndar ekki hvað hann heitir í augnablikinu. Vonandi hinn blíðasti drengur, ekki það að ég sækist samt eftir blíðu hans. Við getum talað þýsku alla daga, Lilju til mikils ama og ég græt nú ekki svoleiðis tækifæri. Vonandi bara að hann sé ekki típann sem vill hafa hljóð kl tíu þegar hann fer uppí rúm.... Það verður hræðilegt ef að hann er þannig. Býst nú samt ekki við því þar sem að hann er frá Austurríku og býr í DK, þá er hann nú sennilega maður fyrir einn eða tvo á fallegu sumarkvöldi í júlí.
Ég er að fara uppí elsku Hjallaskóla í fyrrmálið að halda AFS skólakynningu, vona að það eigi eftir að ganga sem skildi... Svo á fimmt erum við fínu frúrnar að fara á Lækjó eins og ég greindi frá í seinustu færslu. Þá verður það bara Bailey´s við kleiks í fordrykk, svo humarveisla sem samanstendur af humarsúpu í forrétt, humri í aðalrétt og svo e-r ægilega girnilegum eftirrétt... Eftir það er kvöldið óákveðið, en við finnum okkur sennilega e-ð skemmtilegt til dundurs.
En vinnan var fín, ég bara átti ekki orð hvað það byrjaði að birta snemma, bara komið sumar og allt að gerast. Og alveg stappað í bænum í kvöld í samræmi við það. En já svo er bara eitt próf eftir og það er hagfræði á mánudaginn og ég byrjaði heldur betur bara að læra fyrir það í dag því að ég varð að taka smá auka vinnu í kvöld og annað kvöld þannig að ég verð að vakna snemma í fyrramálið og læra mestallan daginn á morgun og líka á sunn... Það þýðir ekkert núna að byrja að læra kvöldið fyrir prófið eins og stundum því að á sunn.kvöld er staffapartý og þá verð ég að vera búin að lesa allt svo ég geti farið í það, eða megi fara í það.
Annars er það að frétta að ég var í íslensku í gær sem gekk bara ágætlega. Fer svo í næsta próf á föstudaginn en það er einmitt danska, bæði munnleg og skrifleg. Hef nú ekki miklar áhyggjur af skriflega partinum þar sem ég skil það nú flest allt. Munnlegi hlutinn er hins vegar allt önnur saga... Því að þegar ég á að tala dönsku þá kemur ekkert annað en þýska út úr mér... Alveg mjög slæmt það. Reyni samt bara að gera eins og Helga sagði mér og það er að ef ég veit ekki hvernig ég á að segja e-ð segi ég það bara á þýsku með dönskum hreim. Nefnilega ansi mörg orð sem eru svakalega lík ef ekki bara eins á þessum tungumálum.
Í færslunni hérna á undan talaði ég aðeins um Chris Martin og Helga kommentaði og kvaðst vera sammála mér um hann en minntist hins vegar á að Soffía frænka hefði e-ð skemmt ánægjuna fyrir henni. Ég verð að fá að segja aðeins frá því atviki. Það var semsagt þannig að við vorum í jólaboði á annan í jólum að mig minnir heima hjá Diddu frænku og vorum að horfa á Coldplay tónleika. Við sátum þarna allar stjarfar og horfðum á þennan mikla meistara og ræddum það hversu sexy hann er... Þá heyrist í Soffíu: "Hann er svo sexy að mig langar til að sleikja af honum svitann". Þessi setning gleymist seint hjá flestum okkar held ég og hefur valdið mikilli vanlíðan og martröðum. Það eru nú samt liðinn meira en tvö ár síðan þetta átti sér stað en er okkur systrum í minni eins og gerst hafi í gær og það er allt annað en ánægjulegt og e-ð sem við viljum vista í hausnum það sem eftir er...
